} ناس المريخ ديل قدر ما يتفاصحوا في الدنيا ..يطلع ليهم الاتحاد الافريقي ويلعبهم ليك في التمهيدي.
} انتوا اصلوا ما بتكبروا.
} كل سنة تلعبوا في (التمهيدي).
} عجبني ليك يا (كلتشي).
} بتوع التمهيدي ديل طلعوا اي كلام.
} انا ما عارف الاتحاد الافريقي بصنف المريخ علي رأس مجموعة كيف؟...وبلعبوا تمهيدي. تستاهلوا.
} تمهيدي في البرد دا.
} احسن حاجة تعملوها تعسكروا من هسع...عشان التمهيدي دا ببدأ من بدري.
} التمهيدي دا يعني دور الـ 64.
} هسع دا دور يلعب فيه فريق محترم.. الكبير ...كبير.
} انتوا (الكاف) دا ما شايف (طابقكم التاني)....عشان يلعبكم في (التمهيدي).
} التمهيدي دا حاجة محرجة شديد.
} نحن لو لعبنا في التمهيدي من بيوتنا ما بنطلع.
} كنا شفنا لينا بلد.
} تاني ما اسمع لي واحد فيكم يقول: (الزعيم).
} انتوا (الوصيف) كتير عليكم يا بتوع التمهيدي.
} تاني ترجعوا لي (أ) اسد ..و(ن) نمر...و(س) سمك.
} سا شنو؟. سا سادومبا.
} طيب كا شنو؟. كا كابوندي.
} في التمهيدي دا برجعوا ليكم لي (دجاجي يلقط الحب ويجري وهو فرحان).
} وجدول اتنين ..وواحد زايد واحد كم؟.
} تاني يا بتوع التمهيدي ح تمشوا لي امل كتبت وبدر قرأ.
} امل قالت...البلد ...البلد ..البلد. وبدر رسم.
} غايتو ديمة بتحرجونا يا بتوع التمهيدي.
} ما عندكم فرق من الخرطوم والامل عطبرة.
} كلكم بتلعبوا في (التمهيدي).
} انتهي.
} ملحوظة : تمهيدي نفر.
هوامش
} ناس بتمشي سنين طويلة ..وناس بدون ما تمشي ما بتلعب في (التمهيدي).
} ناس كاساتها زايدة ...وناس بتمهدو.
} مشكلة المريخ ما في التمهيدي ...مشكلة المريخ في (الترجي).
} يعني بعد دور الـ 64 ...الترجي في الانتظار.
} اخير ليكم تطيروا من تمهيدكم.
} الطيران من التمهيدي ما فيه اي احراج.
} فريق الميرغني كسلا احرج الهلال كثيرا.
} الشوط الاول كان يمكن ان يخسر فيه الهلال باكثر من هدف.
} لاعبو الهلال يجب ان يلعبوا بمسؤولية اكبر.
} عندما يتألق هيثم مصطفي يبقي لا خوف علي الهلال.
} اجمل ما في مباراة الهلال والميرغني انها جهزت القوة الهجومية للهلال.
} مباراة القمة يجب ان يلعبها الهلال بثلاثي الهجوم امبيلي وسادومبا وكاريكا.
} ناس المريخ الخلعة الدخلت فيهم من (الترجي) ما بتطلع هسع.
} الهلال ايضا سوف يواجه فريقا صعبا ..سواء كان ذلك بطل بنين او بطل ساحل العاج.
} عشان كدا مفروض الهلال يحسن تسجيلاته منذ الان.
} كابوندي رجع اخيرا وبدأ يتألق.
} علي مجلس ادارة نادي الهلال ان يحسم مبكرا امر محترفيه لكي يسجلهم في الكشف الافريقي هذا العام مبكرا..تحاشيا لما حدث في المواسم السابقة.
} سادومبا يجب ان يستمر مع الهلال.
} الموسم القادم ..دوري الابطال الافريقي سوف يكون صعبا وتوجد فيه اندية صعبة.
} الاسماعيلي المصري عقبة حقيقية امام الهلال.
} لذلك علي الهلال ان يحسن التسجيلات والاعداد مبكرا للبطولة القادمة.
} معظم لاعبي الهلال صغار في السن ..والهلال لا يحتاج الي اصلاحات كثيرة.
} فقط نتمني ان ينجز مجلس الهلال ملف التسجيلات القادمة حتي يكون الهلال مبشرا في الموسم القادم.
} اطراف الهلال تحتاج الي مراجعة فورية.
} الاطراف في الهلال يجب ان يكون لها الاولوية.
} اذا قوي الهلال من اطرافه يبقي لا خوف علي الهلال من كل الاندية التي يمكن ان تواجهه في البطولة الافريقية.
} هل سوف يبدأ وارغو مع المريخ من (التمهيدي).
} العجب ما معقول يبدأ ليكم من دور الـ 64.
} عشان كدا خلوه يعتزل.
} خبر عاجل: بتوع التمهيدي برضو بتفاصحوا